30. mars 2004

Undirskriftasöfnun gengur vel.

Sjálfboðaliðum fjölgar og það er ljóst að boðskapurinn hefur farið víða þrátt fyrir þránd í götu. Listarnir liggja víða eins og t.d. á Gráa kettinum, Ölstofu Kormáks og Skjaldar, Næsta Bar, Gallerí Kling og bang, Nýlistasafninu og svo er hægt að prenta út lista hér af heimasíðunni. Líkur á sigri mínum í komandi kosningum fara vaxandi með hverjum deginum og ég trúi að kjósendur muni að lokum nota kosningarrétt sinn vel.
Þegar á móti blæs klæðum við okkur í stakkana og tökum til hendinni.
Á næstu dögum og vikum ætla ég að heimsækja skóla og vinnustaði og fylgja þar með undirskriftasöfnuninni eftir og til að hitta landsmenn í eigin persónu.

Oft hefur verið haft orð á því að mig vanti konu mér við hlið og vinkona mín frú Dorrit forsetafrú er þar á meðal. Ég er sammála þessum röddum að einhverju leyti en það er líka prýðilegt að vera einsamall því maður sem gengur með guði er aldrei einn.
Fallegu konurnar eru líka aldrei langt undan.

Kosningasjóðurinn er ekki digur en aflátsbréfasala hefur tekið kipp og það virðist sem fólk sé að átta sig á ágæti þeirra. Ég hef tröllatrú á aflátsbréfunum og óska þess innilega að synduga fólkið okkar geti gengið um göturnar með reisn.

Kveðja Snorri Ásmundsson